1. Utta utta prannia
Utta utta prannia
Sandda sandda sounsar maia
Patt koruni teia
Vollka jezu raia
Othir sounsar
Othir tacho adhar
Othir hankar
Othir tacho dalbhar
Tacher patievn ravlele
Prachit korunk na pavle
Nidrest zavn urlele
Zagrut zainastam sorale
Je konn taka bhulele
Nana porim fottvole
Eextt eextt mhonnon cholole
Xekim gulam zanvk pavle
Dotorn xikonk polltale
Khoin atam te pavle ?
Falea xikonv mhonntale
Falea zainastam sorale
Soire doire sorole
Eextt montr poile ontorle
Hem moni chintun apapole
Hak mariam jejukodde
Thorthoream kamponi
Mhonntanv moni villap koroni
Ha kotta! kotta! somia amchi jinni
Itlean zaleanv nirgunni
He punni sobd aikoni
Kakut amcher tthevoni
Atthov kor somia amcho mhonnoni
Aprad magtanv bhogsuni. Amen.
2. Jezu somia
Jezu somia, atam patkam roddtam
jinni bodlunk khonddit nixchoitam
Choros:
bhogos mhaka jezu, tuji kakut magtam
Patka mmhojim aichean soddtam, khonddit soddtam.
Rogtan tujea soddoillo otmo mhozo
zanvk soddnaka sasnnak dusman tuzo
Khontin roddon tujea paiam poddtam
Magdalenaborim tuji kakut magtam
3. Jezun amche pasun
Jezun amche pasun, Aplo jiv dila
Rogot aplem vikravn, mhog mhozo kela
Tache'molik rogtan, dilam bhogsanne
Tachea jinnie mornnan, sorginchem jinne
Ekuch ek thembo, tujea rogtacho
Hozar prothvink soddvonn dincheak to puro
Kiteak tor vikrailein, sorv rogot tujem ?
Kiteak somia kelein, sang mhaka odem
Kalvarichea dongrar, somi umkollta
mhozo dev-soddvonndar, Jiv aplo dita
Koso upkar tujo, hanvem bavuddcho
mog keloi-mu mhozo, mhozo papiacho.
4. Deva doiall kakutichea
Deva doiall kakutichea
Bhogos bapa mogachea
Bapoi mhonnonk addvornaka
bhurgeak tujea soddnaka
Choras:
E jezu, hanv kakut magtam
Ditoloi mhonn patientam
Sorv mhojim patkam kanttoltam
Aichean tim sokkodd sanddtam.
Patkam khatir mhaka favo
uzo kotthinn sosnnacho
Koxtt vollvolle emkonddache
Sodanch zollchea ujeache
Patok adharn hanvem sanddlem
Sasann sukh devagelem
Sanddlo sangat anj bhoddveancho
Sontos devak pollenvcho
Ablle mhojo soddvonndar
Morta kalvar porvotar
Mhoje khatir to vollvollo
Hanvem taka khillailo
Itlo boro jezu mhojo
Gonddo sampurnn kallzacho
Kitem mhonn hanv tujer chuklom
Koso tujer uprattlom
5. Papia Nirbhagia
Papia Nirbhagia
Pap na sanddsi
Sasnnachea sasnna, papia
Ifernant vesi
Dhon ani dirvem tujem
Hangach dovorsi
Tujio kornio ghevn papia
Zoddtek-re visi
Hanga pap damplear
Thoin ugtem zait
Devagelem maldisanv papia
Tujer bhezat
Thoin tum papia
Soglloch kampsi
Upaiavinn papia
Kheastik sampoddsi
Eextt ani montr tuje
Tukach kamptit
Kollov korinastana tuka
Fonddant-re dhamptit
Thoin tuji papia
Zait dhull mati
Sukhan vadoileli kudd papia
Kidde-re khatit
Devacho put, papia
mhonis-re zalo
Tuka sodovncheak papia
Sonvsarant ailo
Devan tuka rochilo
Sorginchea sukha
Kiteak vetai papia
Emkkonddachea dhukha
Soitan eextt zavn
Fottoita tuka
Vhodd niskuchar papia
Asare taka.
To nhoi-re eextt papia
Dusman tuzo
Ifernant vetoch papia
Gulam tum tacho
Gulam tum zalear
Ark zait taka
Sorg ani sonvsar papia
Roddot-re tuka.
Sandd papia, pap tujem
Mornachea adim
Devageli kakut papia
Bhogsit-re vegim
Kelelem pap, papia
Sangonk lozonaka
Devachi mai papia
Aiti ravlea tuka.
6. Roddonk melleam ami somest
Roddonk melleam ami somest
Ablle mori amka'poita
Ievn roddiam tichea sangata
Jezu mog khursar umkallta!
Nantgi tumchekodde dhukha
Dusman jedvam ninda korta
Kitlo sosnnik koxttant, dogdhant
Jezu mog khursar umkallta!
Sat tachim utram mogachim
Her vell vogoch magnne korta
Kakut kor mhonnon mhonxachi
Jezu mog khursar umkallta!
Dolleank dhampann poddon ieta
Maiecher dixtt vhorunk sodta
Ghoddi pavtoch mostak bagavn
Jezu mog khursar umkallta!
Ravon mogan khura-mullim
Rogat kusintlem jem vhavta
Thembo themboch amcher gheviam
Jezu mog khursar umkallta!
Henne patok tenne dev-mog
Hankam kottinn hem jhuz zata
Punn mog patkar joitevont zavn
Jezu mog khursar umkallta
7. Hanv ailam tujexim
Chorus:
Hanv ailam tujexim bapa mhojea
Kalliz ugddapunk tuka
Bhorvoson tujexim ailam bapa
Axirvad di mhaka
Bapai sarkea mogan tujea
Lhanponni hanv vhaddtalom
Sonvsarim axa-khuxank sampddon hanv
Mog tuzo visron gelo
Tuje venne dis ani rat
Sukh-samadhan axelom
tujie khuxechem kain guman nastam
sva-khuxi korun aslom
Bapa mhojea bhogsi mhaka
Raji zanvk hanv axetam
Az thavn jinni bodlun bapa hanv
Tujea mogant jietam
No comments:
Post a Comment